“schrijf je wat je ziet en niemand sal het lezen en je zeggen wie je bent”
– Miriam Van hee
om te dink
jy’t tot onlangs
(lank gelede?)
my nog herken
snaaks hoe mens
vertroosting verlang
noudat tyd soos kole
die werklikheid terugbrand
daar staan jy toe
soos tevore
met ‘n hand vol boeke
hekke van herkenning
val voor jou voete
en ons begin die honger stil
met digterlike herkoutjies
vol van beelding
en van metafoor
groet ons later
al wat bly
tussen jou en my
is vingermerke
op eybers se winter-surplus
©2009 Selwyn Milborrow
No comments:
Post a Comment